Líf án gleraugna

Fyrir um mánuði síðan tók ég stórt skref í mínu lífi, eitthvað sem ég hef hugsað um lengi og leyft mér að dreyma um þau lífsgæði sem myndu fylgja ef ég myndi safna kjarki til þess að slá til. 

Ég byrjaði að nota gleraugu 18ára gömul og mér hefur aldrei tekist að venjast því. Í dag er ég 29 ára og ég er enn á sama stað. Ég ákvað því að skoða nánar hvað ég gæti gert og leitin leiddi mig til Augljós Laser augnlækningar, en ástæðan fyrir valinu er að hann Jóhannes Kári er með 20ára reynslu og sá eini á landinu með sérþekkingu. Ásamt því sá ég á heimasíðu þeirra að 15 þúsund laseraðgerðir hafa verið framkvæmdar, fullkomnustu og nýjustu tækin eru notuð.

Þetta gaf mér einstaklega mikið öryggi og hvatningu að skella mér í forskoðun. 

Nauðsynlegt að framkvæma forskoðun áður en farið er í laseraðgerð, en sú skoðun er mjög nákvæm augnrannsókn. Sérfræðingur í hornhimnu- og laseraugnlækningum framkvæmir forskoðunina og á grundvelli hennar metur augnlæknirinn hvort aðgerð hentar og þá hvaða gerð hentar hverjum og einum ef til kemur. Ég var búin að ákveða að ég væri ekki kandídat án þess að hafa nokkra hugmynd um það. Forskoðun er lítið mál og ég hvet alla sem eru í þessum hugleiðingum að kanna málið áður en þið ákveðið að þið séuð ekki kandídatar fyrir aðgerð. Best er að leyfa sérfræðingnum að meta það. 

Ég fékk rosalega góða fræðslu og leiðbeiningar í kring um aðgerðina. En ég var búin að ákveða að aðgerðin væri rosaleg. Ég var með mjög neikvæða mynd af aðgerðinni og margar spurningar. 

Er þetta vont ?

Get ég orðið blind?

Hvað gerist ef ég loka augunum?

Allt eru þetta algengar spurningar, en raunin er sú að þetta eru allt óþarfa áhyggjur.
Í þessu vidjói svarar Jóhannes Kári mér öllum þeim vangaveltum sem ég átti fyrir aðgerðina: Vidjó 
Ég ætla að leyfa mér að segja mína upplifun á aðgerðinni. Þetta er með auðveldara sem ég hef gert.
Ég fann engan sársauka, ég gæti skellt mér strax aftur þess vegna, Svo lítið mál var þetta. Nærveran frá öllum þarna var alveg einstök. Það var talað mig í gegnum alla aðgerðina, en fyrir aðgerðina þá fékk ég að slaka á í notarlegum stól með teppi og hitapoka á axlirnar. Ég var vel róleg fyrir aðgerðina og leið vel. 

Skemmtilegt að segja frá því en ég horfi á klukku á veggnum fyrir aðgerðina og sá mjög illa á hana. Eftir aðgerðina sá ég klukkuna alla. Það var mögnuð upplifun. 

Mitt helsta óöryggi tengt því að vera bundin við gleraugu er til dæmis tengt Leon Bassa, syni mínum. En ég get ekki notað linsur og því var snúið að fara ein með hann í sund. Ég fann einnig að athafnir eins og útihlaup, fjallganga og annað tengt hreyfingu var farið að mæta afgangi sökum þess að ég var orðin þreytt á því að hafa gleraugun dettandi framm á nefið á mér. Einnig fann ég stöðugt fyrir þreytu fyrir aftan eyrun og sífellt púðafar á nefinu sem var farið að valda óþægindum eins og þurrkublettum og sviða. 

"Í Augljósi höfum við skýr þjónustumarkmið. Við sættum okkur ekki nema við hámarksárangur. Þín sjón skiptir okkur öllu máli og nú á dögum hefur öryggið aldrei verið meira og árangurinn æ betri.
Við erum ekki að flýta okkur og erum til staðar þegar þú ert tilbúin/n í aðgerð. Hjá okkur er þín ánægja ofar öllu.,,
Í dag er ég mun léttari á mér. Ég nýt þess að fara út að hlaupa og í sund með litla strákinn minn, full öryggi. Ég er ekki bundin við glerugu eða linsur sem er mikið frelsi. Ég hvet ykkur öll sem eruð í þeim hugleiðingum að losna við gleraugun að kanna málið og hafa samband við þau hjá Augljós. 
Færslan er gerð í samstarfi

Augljós Laser Augnlækningar ehf.
Álfheimum 74
2. hæð í vesturhúsi
104 Reykjavík

Sími: 414 7000

augljos@augljos.is